ادفع((ثلاث ارباع))عمري لجـل يـوم
اجلس انـا ويـاك وآخـذ كثيـرك
وإليا حصل يوميـن الله مـن علـوم
واليا بغيت اسنين انـت وضميـرك
تراني استااااهل وانا منك محـروم !!
لاتحرم اللـي منتظـر مـد خيـرك
بحات صوتك وانت صاحي من النـوم
تكره اللـي كلمـك صـوت غيـرك
تنهيد صدرك وانت ضايـق ومهمـوم
من حسها سلـم مصيـره مصيـرك
كلك على بعضك اليـا جيـت مملـوم
ماتنحسد النـاس تحسـد عشيـرك
ياخي لحقني منك شـره عتـب لـوم
قلبي كسيرك وانت تطعـن كسيـرك
شفني اخايل فالسمـا بـرق وغيـوم
ضميان وانت تشح عنـي غديـرك
آنا اعد مـن السهـر ضيـم ونجـوم
وانت تحضن مسندك فـي سريـرك
خلك على وضعك عسى وضعك يـدوم
بس ودي في بعض الامور استشيرك
اذا عتبرت اني اسيـرك ومـن قـوم
ماهو كـذا اصـلأ تعامـل اسيـرك
واذا فترضت ان فيه ظالـم ومظلـوم
تدري بلاش من افتراضـي يثيـرك
واذا بحياتك شخص فيه انـت ملـزوم
لاصار اهـو اولـك مابـي اخيـرك
لاكن تأكـد مـن عرفتـك ل هاليـوم
انا حياتي مابهـا شخـص غيـرك
الجمعة أبريل 25, 2008 10:10 am